Kumpulan Naskah Drama Bahasa Jawa Tentang Sekolah, Cocok Diperankan 4 Orang!
--
Melda: Iya, Ning. Ya iki alesanku ora bisa melu sinau bareng kowe. Sejatine aku pengin sinau bareng karo kowe lan Nila. Nanging aku ora bisa melu sinau bareng. Merga aku ditugasi ibuku kanggo dodolan es lan dodolan gorengan kanggo tambah biaya adhikku kang wektu iki diramut ing rumah sakit.
Nila lan Nining rumangsa mesakne marang Melda. Nila ngrebut tremos kang dicekel Melda.
Nila: Yen es lan gorengan sing kok dol dina iki wis entek. Kowe bisa sinau bareng kan?
Melda mung manthuk.
Nila: Yen ngono aku lan Nining bakal ngrewangi kowe bakulan. Lan ngenani tawaranku sing iki kowe ora oleh nulak. Piye?
Nining: Iya, Mel. Kowe ora oleh nulak. Merga kowe kudu eling. Mbantu wong tuwa iku pancen penting lan kudu didadekne nomer siji. Nanging kowe ya kudu ora oleh lali tugase siswa kaya awake dhewe iki ya sinau.
Melda dadi sarwa ora kepenak lan bingung. Ing satengahe rasa ora kepenak lan bingung kang dirasakake Melda iku. Dumadakan ana Mas Ridwan, kakange Nining.
Mas Ridwan: Wah, iki ana es lan gorengan. Kebeneran tenan. Es lan gorengan iki duweke sapa? Lan didol ora?
Nining: Gorengan niki sadeyane Melda, Mas.
Mas Ridwan: Yen ngono kebeneran tenan. Saupama es lan gorengan iki dakborong oleh?
Nining: Pareng, Mas. Mangga..!
Mas Ridwan: Regane kabeh pira?
Baca juga: Download Contoh Naskah Drama Panjang Untuk 5 Orang Anggota Format PDF dengan Berbagai Tema Gratis
Melda ngitung dhisik lan bareng rampung anggene ngitung. Melda ngandhakake rega kang kudu dibayar Mas Ridwan.
Melda: Arta sing pas napa mboten wonten, Mas? Kula boten gadhah susuke niki.
Mas Ridwan: Sisane simpenen wae.
Weruh dagangane kancane diborong nganti resik. Nining lan Nila mesam-mesem merga pepinginane sinau bareng karo Melda bakal kaleksanan.
Nila: Mel, saiki wis sinau bareng ta?
Melda: Iya, bisa. Matur nuwun bantuane ya!
Nining: Alah, kowe ora perlu isin kaya ngono. Aku lan Nila iki lak ya kancamu. Minangka kanca wis wancine tulung-tinulung.
Demikianlah informasi yang dapat kami bagikan mengenai contoh naskah drama 4 orang Bahasa Jawa tema sekolah yang bisa jadi referensi dalam membuat naskah atau bisa juga ditampilkan langsung pada kegiatan sekolah. Sekian informasi dari kami, semoga bisa bermanfaat.
